Green Climate Fund (GCF) em i wanpela bikpela intanesinal opis/bodi we i kamapim moni long helpim o halivim ol wok bilong diveloping kantri o liklik kantri long paitim wok bilong klaimet Senis. Green Climate Fund (GCF) em moni Opis we i bin kisim tok orait/Pawa long United Nations Framework Convention on Climate Change (UNFCCC) na i kamap olsem wanpela opis long wokim ol wok ananit long dispela lo ol i pasim long 2015, ol i kolim long tok Inglis olsem – Paris Agreement 2015. Dispela moni bai helpim ol diveloping kantri long daunim wok bilong ol win o simuk nogut ol ikolim Grin Haus Ges (GHG’s) long spred na long redim ol wok long stap siev long klaimet senis. Em (GCF) i lukluk long sapotim ol bikpela na niupela senis long low-emisen o daunim spred bilong win o simuk nogut na sapotim klaimet risilien divelopmen o divelopmen we i ken kamap gut namel long klaimet senis.
